Suspensu

El suspensu, suspense (dambes del llatín suspensus, al traviés del francés suspense y esta direutamente del inglés) o thriller ye un recursu lliterariu y un ampliu xéneru de lliteratura, cine, televisión y videoxuegos, qu'inclúi numberosos y frecuentemente asolapaos subxéneros, que'l so oxetivu principal ye caltener al llector a la mira, xeneralmente nun estáu de tensión, de lo que pueda asocede-y a los personaxes y, poro, sollerte al desenvolvimientu del conflictu o nuedu de la narración. N'inglés usa la pallabra thriller, derivada del verbu thrill (asustar, respigar, emocionar).